Народна Техника – Крушево е стручна, доброволна, масовна, самостојна, невладина и непрофитна организација која се заснова врз аматерска основа.

Во досегашниот триесет годишен развој Народна Техника успешно ја развива својата основна дејност, со што од неа произлегоа успешни кадри особено од областа на техничката култура.

Сега Народна Технника егзистира успешно и во неа има околу 20 членови на различна возраст, кои преку соодветната техника се запознаваат и се стекнуваат со што поголема техничка култура.

Во Народна Техника, моментално се развиваат повеќе проекти како: ТВ проект, Компјутерска секција, Конструкторска секција, Фото – Кино секција, како и телеграфска секција за која произлегува и голем интерес.

          Во сево ова мора да се напомене дека во склопот на компјутерската секција се развива и новиот проект на Слободен Софтвер, а тоа е оперативниот систем Линукс. Во склопот на овој оперативен систем со голем интерес се следат и обидите за негово преведување на македонски јазик, со што масовно ќе се зголеми неговата употреба.

          Народна Техника како здружение на граѓани соработува и со  други невладини организации, како од нашиот град, така и пошироко. Тука не смее да се заборави и огромната соработка со GGBS од Швајцарија, односно со Хајнц Спиес (Heinz Spiess), на кого многу му благодариме за се она што тој го направи за нас во областа на техниката, без која денес ние не би можеле да функционираме.